თქვენ არ ეცნობით კონსტიტუციური სარჩელის/წარდგინების სრულ ვერსიას. სრული ვერსიის სანახავად, გთხოვთ, ვერტიკალური მენიუდან ჩამოტვირთოთ მიმაგრებული დოკუმენტი

1. სადავო ნორმატიული აქტ(ებ)ი

ა. საქართველოს კანონი „საჯარო დაწესებულებაში ინტერესთა შეუთავსებლობისა და კორუფციის შესახებ“

2. სასარჩელო მოთხოვნა

3. საკონსტიტუციო სასამართლოსათვის მიმართვის სამართლებრივი საფუძვლები

საქართველოს საკონსტიტუციო სასამართლოსთვის მიმართვის სამართლებრივი საფუძვლია: საქართველოს კონსტიტუციის 31-ე და მე-60 მუხლები, „საქართველოს საკონსტიტუციო სასამართლოს შესახებ“ საქართველოს ორგანული კანონის მე-19 მუხლის პირველი პუნქტის „ე“ ქვეპუნქტი, 31-ე და 31¹ მუხლები და 39-ემუხლის პირველი პუნქტის „ა“ ქვეპუნქტი.

4. განმარტებები სადავო ნორმ(ებ)ის არსებითად განსახილველად მიღებასთან დაკავშირებით

ა) სარჩელი ფორმით და შინაარსით შეესაბამება „საკონსტიტუციო სასამართლოს შესახებ“ საქართველოს ორგანული კანონის 31¹ მუხლის მოთხოვნებს;

ბ) სარჩელი შეტანილია უფლებამოსილი პირის მიერ:

,,საკონსტიტუციო სასამართლოს შესახებ” საქართველოს ორგანული კანონის 39-ე მუხლის პირველი პუნქტის ,,ა” ქვეპუნქტის შესაბამისად, საკონსტიტუციო სასამართლოში ნორმატიული აქტის ან მისი ცალკეული ნორმების კონსტიტუციურობის თაობაზე კონსტიტუციური სარჩელის შეტანის უფლება აქვთ საქართველოს მოქალაქეებს თუ მათ მიაჩნიათ, რომ დარღვეულია ან შესაძლებელია უშუალოდ დაირღვეს საქართველოს კონსტიტუციის მეორე თავით აღიარებული მათი უფლებანი და თავისუფლებანი.

გ)სარჩელში მითითებული საკითხი არის საკონსტიტუციო სასამართლოს განსჯადი;

დ) სარჩელში მითითებული საკითხი არ არის გადაწყვეტილი საკონსტიტუციო სასამართლოს მიერ;

ე) სარჩელში მითითებული საკითხი რეგულირდება კონსტიტუციის 23-ე მუხლით

ვ) კანონით არ არის დადგენილი სასარჩელო ხანდაზმულობის ვადა აღნიშნული ტიპის დავისათვის და შესაბამისად, არც მისი არასაპატიო მიზეზით გაშვების საკითხი დგება დღის წესრიგში;

ზ) შესაძლებელია მსჯელობა კანონის სადავოდ ქცეული ნორმების კონსტიტუციურობაზე

5. მოთხოვნის არსი და დასაბუთება

საქართველოს კონსტიტუციის მუხლი 23 პუნქტი 1-ის თანახმად „1. საქართველოს მოქალაქეებს უფლება აქვთ ორგანული კანონის შესაბამისად შექმნან პოლიტიკური პარტია და მონაწილეობა მიიღონ მის საქმიანობაში.“ აღნიშნული პუნქტის თანახმად ნებისმიერ საქართველოს მოქალაქეს აქვს უფლება რომ შექმნას პარტია მონაწილეობა მიიღოს მის საქმიანობაში, რაც გარკვეულ შემთხვევებში იზღუდება. კერძოდ საქართველოს კანონი „საჯარო დაწესებულებაში ინტერესთა შეუთავსებლობისა და კორუფციის შესახებ“ ( მუხლი 13 პუნქტი 2-ის მეორე წინადადება ) უკრძალავს საჯარო მოხელეებს დაიკავონ რაიმე თანამდებობა კერძო სამართლის იურიდიულ პირში, ან იყვნენ ნებისმიერი დონის წარმომადგენლობითი ორგანოს წევრი; შესაბამისად საჯარო მოხელეებისათვის იზღუდება საქართველოს კონსტიტუციის მუხლი 23 პუნქტი 1-ის თანახმად მინიჭებული უფლება და როგორც ზემოთ აღვნიშნე მათ არ აქვთ უფლება დაიკავონ რაიმე თანამდებობა კერძო სამართლის იურიდიულ პირში, ან იყვნენ ნებისმიერი დონის წარმომადგენლობითი ორგანოს წევრი; ხაზს ვუსვამ რომ ერთის მხრივ პოლიტიკურ პარტია არის კერძო სამართლის იურიდიული პირი და მეორეს მხრივ პარტიულ საქმიანობა შეიძლება იყოს პარტიაში რაიმე თანამდებობის დაკავება ან პარტიის წარმომადგენლობა, რაც საჯარო მოხელეს გამომდინარე „საჯარო დაწესებულებაში ინტერესთა შეუთავსებლობისა და კორუფციის შესახებ“ კანონიდან შეზღუდული აქვს. შესაბამისად „საჯარო დაწესებულებაში ინტერესთა შეუთავსებლობისა და კორუფციის შესახებ“ კანონის ჩანაწერი რომლის გამოც საჯარო მოხელეს ეკრძალება გარკვეული პარტიული საქმიანობა (პარტიის წარმომადგენლობა, პარტიის მართვა) არღვევს ჩემს უფლებებს და ეწინააღმდეგება კონსტიტუციას.

6. კონსტიტუციური სარჩელით/წარდგინებით დაყენებული შუამდგომლობები

შუამდგომლობა სადავო ნორმის მოქმედების შეჩერების თაობაზე: არა

შუამდგომლობა პერსონალური მონაცემების დაფარვაზე: არა

შუამდგომლობა მოწმის/ექსპერტის/სპეციალისტის მოწვევაზე: არა

შუამდგომლობა/მოთხოვნა საქმის ზეპირი მოსმენის გარეშე განხილვის თაობაზე: არა

კანონმდებლობით გათვალისწინებული სხვა სახის შუამდგომლობა: არა