საქართველოს მოქალაქე შალვა ნათელაშვილი საქართველოს შრომის, ჯანმრთელობისა და სოციალური დაცვის მინისტრისა და საქართველოს პარლამენტის წინააღმდეგ
| დოკუმენტის ტიპი | კონსტიტუციური სარჩელი |
| ნომერი | 606 |
| ავტორ(ებ)ი | შალვა ნათელაშვილი |
| თარიღი | 22 აგვისტო 2014 |
თქვენ არ ეცნობით სარჩელის სრულ ვერსიას. სრული ვერსიის სანახავად, გთხოვთ, ვერტიკალური მენიუდან ჩამოტვირთოთ სარჩელის დოკუმენტი
განმარტებები სადავო ნორმის არსებითად განსახილველად მიღებასთან დაკავშირებით
|
1 სექტემბრიდან ძალაში შედის ცვლილება, რომლის მიხედვითაც, ურეცეპტოდ აღარ გაიცემა II ჯგუფის მედიკამენტები, მათ შორის, საძილე და დამამშვიდებელი საშუალებები, ანტიდეპრესანტები, მიკრობების საწინააღმდეგო პრეპარატები სისტემური გამოყენებისათვის, სიმსივნის საწინააღმდეგო პრეპარატები და იმუნომოდულატორები, საგულე გლიკოზიდები, ანტიარითმული და ანტიჰიპერტენზული პრეპარატები, შაქრიანი დიაბეტის სამკურნალო პრეპარატები, საინექციო წამლის ფორმები, ვიტამინების ნაწილი და სხვა. 1 სექტემბრიდან მომხმარებლებს რეცეპტის წარდგენის ვალდებულება ექნებათ ისეთი პოპულარული მედიკამენტების შეძენისას, როგორიცაა ნიმესილი, კეტონალი, გლუკოზა, დიმედროლი, პარაცეტამოლი, სუპრასტინი , ანალგინი , სტრეპტომიცინი, ვიაგრასანი, ვიტამინი E, დრამინა, ერითრომიცინი და სხვა მრავალი , სულ 6 209 დასახელების მედიკამენტი მეორე ჯგუფიდან. II ჯგუფის მედიკამენტების რეცეპტურის ინსტიტუტის ამოქმედების ფარგლებში, დამტკიცდა მეორე ჯგუფს მიკუთვნებული მედიკამენტების რეცეპტის გამოწერის წესი და ფორმა №3 რეცეპტის ბლანკის ახალი ფორმა. ისეთი წამლები როგორიცაა „კეტონალი“, „ნიმესილი“, „ნო-შპა“ – რაც მოქალქეებს ყოველდღიურად ესაჭიროებათ. აფთიაქს ეკრძალება რეცეპტის გარეშე გასცეს ასევე ისეთი პოპულარული და ზოგიერთისთვის ხშირად მოსახმარებელი და აუცილებელი შემდეგი ჯგუფების მედიკამენტები: წნევის დამწევი, ტკივილგამაყუჩებელი, ალერგიის საწინააღმდეგო, კარდიოლოგიური, ანტიბიოტიკები, ჰორმონალური და სხვა, რეცეპტის მისაღებად პაციენტებმა სავალდებულოდ მკურნალ ექიმს უნდა მიმართონ. ასევე 1 სექტემბრიდან პირი 18 წლის ასაკამდე ვერ შეძლებს, რეცეპტის მეშვეობითაც, მედიკამენტის შეძენას, რითაც ილახება მოსარჩელის და საქართველოს მოქალაქეების მნიშვნელოვანი ნაწილის საქართველოს კონსტიტუციის 2 თავით, კერძოდ კი 15-ე, 17-ე 37-ე და 39-ე მუხლებით გარანტირებული უფლებები. კონსტიტუციური სარჩელი აკმაყოფილებს ,,საკონსტიტუციო სამართალწარმოების შესახებ" საქართველოს კანონის 16-ე მუხლის მოთხოვნას და არ არსებობს მისი მიღებაზე უარის თქმის საფუძველი. |
მოთხოვნის არსი და დასაბუთება
|
არაკონსტიტუციურად გამოცხადდეს: 1) 2014 წლის 18 ივლისი საქართველოს შრომის, ჯანმრთელობისა და საციალური დაცვის მინისტრის 01-53/ნ ბრძანება. 2) "წამლისა და ფარმაცევტული საქმიანობის შესახებ" საქართველოს კანონის 16-ე მუხლის 9-ე და 10-ე პუნქტები |
სარჩელით დაყენებული შუამდგომლობები
შუამდგომლობა სადავო ნორმის მოქმედების შეჩერების თაობაზე: კი
შუამდგომლობა პერსონალური მონაცემების დაფარვაზე: არა
შუამდგომლობა მოწმის/ექსპერტის/სპეციალისტის მოწვევაზე: არა
კანონმდებლობით გათვალისწინებული სხვა სახის შუამდგომლობა: არა