1. „საქართველოს საკონსტიტუციო სასამართლოს შესახებ“ საქართველოს ორგანული კანონის 39-ე მუხლის 1-ლი პუნქტის „ა“ ქვეპუნქტის  თანახმად საკონსტიტუციო სასამართლოში ნორმატიული აქტის ან მისი ცალკეული ნორმების კონსტიტუციურობის თაობაზე კონსტიტუციური სარჩელის შეტანის უფლება აქვთ საქართველოს მოქალაქეებს თუ მათ მიაჩნიათ, რომ დარღვეულია ან შესაძლებელია უშუალოდ დაირღვეს  საქართველოს კონსტიტუციის მეორე თავით აღიარებული მათი უფლებანი და თავისუფლებანი. სადაო სამართლებრივი ნორმებით, რომლის განხილვის უფლებამოსილება თანახმად საქართველოს ორგანული კანონის „საქართველოს საკონსტიტუციო სასამართლოს შესახებ“ მე-19 მუხლის 1-ლი პუნქტის „ე“ ქვეპუნქტისა საკონსტიტუციო სასამართლოს განსჯადია, ირღვევა მოსარჩელე ნათია ყიფშიძის საქართველოს კონსტიტუციის 42-ე მუხლის 1-ლი პუნქტით მინიჭებული უფლება კერძოდ:

2010 წლის 12 აპრილს თბილისის საქალაქო სასამართლოს სამოქალაქო საქმეთა კოლეგიაში სამოქალაქო საქმის განხილვისას მოსარჩელე ნათია ყიფშიძის და მოპასუხე ამხანაგობა „ღრმაღელე"-ს და მოპასუხე გიორგი გურგენიძეს შორის დამტკიცდა მორიგების აქტი, საქმე N2/9168-09, რომლის მიხედვით - მოსარჩელე ნ. ყიფშიძე უარს ამბობს მხარეთა შორის 2007 წლის 20 თებერვალს გაფორმებული ხელშეკრულების 4.1 პუნქტით გათვალისიწნებული ნასყიდობის საგნის საცხოვრებელი ბინა მდებარე: ქ. თბილისი, დავით გურამიშვილის გამზ. N64, მერვე სადარბაზო მეცხრე სართული საერთო ფართით 82,59 კვ.მ მიღების შესახებ მოთხოვნაზე, რომლის ღირებულებაა 41 295 აშშ დოლარის ექვივალენტი ეროვნულ ვალუტაში, იმ პირობით, რომ მოპასუხე გიორგი გურგენიძე და აამხანაგობა „ღრმაღელე" იღებს ვალდებულებას მოსარჩელის მიერ მოტხოვნილი ნასყიდობის საგნისა და მისი ღირებულების სანაცვლოდ მოსარცელეს შეუძინოს შპს „დაკიდებულ ბაღებში" საცხოვრებელი ფართი შემდეგი რეკვიზიტებით და პირობებით:

მისამართი: ქ. თბილისი, გელოვანის ქუჩა N4ა (სარეგისტრაციო ზონა - თბილისი, კოდი 1, სექტორი საბურთალო, კოდი 10, კვარტლის N11, ნაკვეთის N1/02, ფართობი 8 157 კვ.მ, ნაკვეთის ფუნქცია არასასოფლო-სამეურნეო, უფლება საკუთრება) სამსართულიან საცხოვრებელ; სახლში პირველ საცხოვრებელ სართულზე საერთო ფართით 98 კვმ; საცხოვრებელი ფართი უნდა შეესაბამებოდეს შემდეგ პირობებს: აშენებული გარე კედლები, აშენებული ტიხრები, გაჯით გალესილი კედლები (ჭერების გარდა), მეტალოპლასტიკის კარ-ფანჯარა (გარე პერიმეტრზე), ბინაში შესასვლელი რკინის კარი (საკეტის გარეშე), წყალსადენ - კანალიზაციის ცენტრალური ვერტიკალური დგარები, შიგა ელექტრო გაყვანილობა მოწყობილობების (შტეფსელები, გამომრთველები, ბრები, ჭაღები, სანათები და სხვა) გარეშე; ბუნებრივი აირით მომარაგების, წყალმომარაგების ჩართვას, გამრიცხველიანებას და აბონირებას განახორციელებენ შესაბამისი საქალაქო სამსახურები, მოპასუხე ანგარიშსწორებას განახორციელებს უშუალოდ ამ სამსახურებთან.

მხარეები თანხმდებიან, რომ ვინაიდან შესაძენი ბინის ფართობი აღმატება მხარეთა შორის 2007 წლის 20 თებერვალს გაფორმებული ხელშეკრულების 4.1 პუნქტით გათვალისიწნებულ საცხოვრებელი ბინის ფართობს მოსარცელე დამატებით ანგარიშსწორების მოახდენს შპს „დაკიდებულ ბაღებთან" საცხოვრებელი ფართის ნამეტ ფართობთან მიმართებაში 7 000 აშშ დოლარის ექვივალენტის ოდენობით ეროვნულ ვალუტაში, რომლის გადახდის ვადაზეც ნმხარეები შეთანხმდებიან დამატებით.

მხარეები თანხმდებიან, რომ მორიგების დამტკიცების შესახებ სასამართლოს გადაწყვეტილება კანონიერ ძალაში შევა ხელმოწერისთანავე და აღსრულდება 2010 წლის 30 დეკემბერს.

მხარეები თანხმდებიან, რომ სასამართლოს მიერ გამოყენებული უზრუნველყოფის ღონისძიება ძალკაში რჩება გადაწყვეტილების აღსრულებამდე.

მხარეები თანხმდებიან, რომ ნათია ყიფშიძე უარს იტყვის გადაწყვეტილებით დადგენილ მოთხოვანზე მეორე მხარის მიერ გადაწყვეტილების აღსრულებამდე, იმ შემთხვევაში თუ მოპასუხის მიერ შპს „დაკიდებულ ბაღებში" შეძენილი საცხოვრებელი ფართი მოსარცელეს ჩაბარდება 2010 წლის 30 დეკემბრამდე.

მხარეები ტანხმდებიან, რომ თუ შპს დაკიდებულ ბაღებში, შეძენილი საცხოვრებელი ფართი მოსარჩელეს არ გადაეცემა 2010 წლის 30 დეკემბრის მდგომარეოპბით საკუთრების უფლებით და მორიგების 1-ლი პუნქტით გატვალისიწნებულ მდგომარეობაში, ასეთ შემთხვევაში გიორგი გურგენიძე და ამახანაგობა „ღრმაღლე" იღებენ ვალდებულებას დაუბრუნონ მოსარჩელეს 2007 წლის 20 თებერვალს სდადებული ხელშეკრულების საფუძველზე მოსარჩელის მიერ გადახდილი თანხა სრულად 41 295 აშშ დოლარის ექვივალენტი ეროვნულ ვალუტაში, რასაცა ასევე დაემატება მოსარჩელის მიერ სახელმწიფო ბაჟის ანგარიშში გადახდილი 1080 ლარი და ადვოკატის მომსახურებისათვის გაწეული ხარჯი 100 ლარი.

ვინაიდან, მოპასუხეებმა არ შეასრულეს მორიგების აქტით ნაკისრი ვალდებულებები ნათია ყიფშიძემ სასამართლოს მიმართა და მოითხოვა სააღსრულებო ფუყრცლის გამოწერა, 2011 წლის 14 მარტს თბილისის საქალქო სასამართლოს სამოქალაქო საქმეთა კოლეგიამ სააღსრულებო ფურცელი გასცა. ამავწ წლის 15 მარტს ნათია ყიფშიძემ განცხადებით მიმართა აღსრულების ეროვნული ბიუროს თბილისის საარსრულებო ბიუროს და მოითხოვა სასამართლო გადაწყვეტილების იძულებით აღსრულება.

2011 წლის 20 აპრილს თბილისის საქალაქო სასამართლოს სამოქალქო საქმეთა კოლეგიამ განიხილა და დააკმაყოფილა იმა „ღრმაღელე"-ს განცხადება მორიგების დამტკიცების შესახებ განჩინების აღსრულების გადავადების შესახებ და განჩინების აღსრულება გადაავადა 2012 წლის 05 აპრილისათვის.

საქართველოს კონსტიტუციის 42-ე მუხლის პირველი პუნქტის მიხედვით „ ყოველ ადამიანს უფლება აქვს თავის უფლებათა და თავისუფლებათა დასაცავად მიმართოს სასამართლოს“.

ამ ნორმით დადგენილია ადამიანის უფლება სამართლიან სასამართლოზე, ის არ გულისხმობს მხოლოდ სასამართლოსადმი მიმართვის შესაძლებლობას , არამედ უზრუნველყოფს ადამიანის სრულ სამართლებრივ დაცვას. მას დემოკრატიული და სამართლებრივი სახელმწიფოს ფუნქციონირებისთვის ფუძემდებლური მნიშვნელობა აქვს და ადამიანის უფლებათა დაცვის ერთ-ერთი უმნიშვნელოვანესი კონსტიტუციური გარანტიაა. სასამართლოს გადაწყვეტილება მართლმსაჯულების აქტია და მისი სამართლებრივი შედეგები თვით კონსტიტუციითაა რეგლამენტირებული. საქართველოს კონსტიტუციის 82-ე მუხლის მეორე პუნქტის მიხედვით „ სასამართლო აქტები სავალდებულოა ყველა სახელმწიფო ორგანოსა და პირისათვის ქვეყნის მთელ ტერიტორიაზე. „  ხოლო საქართველოს კონსტიტუციის 86-ე მუხლის მეხუთე პუნქტის თანახმად „ სასამართლოს გადაწყვეტილების გაუქმება ,შეცვლა ან შეჩერება შეუძლია მხოლოდ სასამართლოს კანონით განსაზღვრული წესით“. კანონმდებელი მკაფიოდ გამოხატავს თავის ნებას დაიცვას ადამიანი გადაწყვეტილების აღუსრულებლობის რისკისგან და იმთავითვე შექმნას მოთხოვნის რეალურად დაკმაყოფილების  მნიშვნელოვანი გარანტია. საქართველოს კონსტიტუციის 42-ე მუხლი მოითხოვს, რომ სახელმწიფომ უზრუნველყოს სასამართლო ხელისუფლების კომპეტენციის იმგვარად განსაზღვრა, რომელიც პასუხობს სასამართლოს გზით კონსტიტუციური უფლებების ადეკვატურ დაცვას. სასამართლოსათვის მიმართვის უფლება მოიცავს  სასამართლოს მიერ საქმის სამართლიან განხილვას, კონკრეტული საკითხის გონივრულ ვადაში გადაწყვეტასა და სასამართლოს გადაწყვეტილების აღსრულების უფლებას. ამასვე , მოწმობს  „საქართველოს უზენაესი სასამართლოს ადმინისტრაციულ და სხვა კატეგორიის საქმეთა პალატის გადაწყვეტილება ( №ბს-325-316 (კ-08), 17 დეკემბერი, 2008 წ., ქ. თბილისი) , რომლის მიხედვით -