მოთხოვნა:

ა) „საქართველოს საკონსტიტუციო სასამართლოს შესახებ“ ორგანული კანონის 23-ე მუხლის მე-6 ნაწილის „დ“ ქვეპუნქტის თანახმად, ძალადაკარგულად იქნეს ცნობილი „საქართველოს პარლამენტის წევრთა უფლებამოსილების ცნობის შესახებ“ 2016 წლის 18 ნოემბრის N3-Iს საქართველოს პარლამენტის დადგენილება შემდეგ ნაწილებში:

1. დადგენილების 1-ლიპუნქტი: „1. ცნობილიქნეს 2016 წლის 8 ოქტომბერსარჩეულსაქართველოს პარლამენტის წევრთა უფლებამოსილება თანდართული სიის შესაბამისად.“;
2. ზ/ა დადგენილების თანდართული სიის შემდეგი პუნქტები:
3. „6. ბენაშვილი გია“;„76. მაჭავარიანი ენძელა“;„132. წერეთელი გიორგი“; „112. სულეიმანოვი აზერ“.

ბ) შესაბამისად, გია ბენაშვილს, ენძელა მაჭავარიანს, გიორგი წერეთელს და აზერ სულეიმანოვს შეუწყდეთ პარლამენტის წევრობა;

გ) ამავე კანონის 23-ე მუხლის მე-6 ნაწილის „ბ“ ქვეპუნქტის თანახმად მოხდეს მოსარჩელეების - კახა კუკავას, გოჩა თევდორაძის, ვაჟა ოთარაშვილის და ფრიდონ ინჯიას პარლამენტის წევრის უფლებამოსილების ცნობა.

დასაბუთება: 2016 წლის 8 ოქტომბრის საქართველოს პარლამენტის არჩევნებზე ამომრჩევლის ხმათა 5%-ზე მეტი მიიღო სამმა სუბიექტმა: 1) „ქართული ოცნება - დემოკრატიული საქართველო“ – 48.68% (37 მანდატი); 2) „ერთიანი ნაციონალური მოძრაობა“ –27.11% (20 მანდატი); 3) „დავით თარხან-მოურავი, ირმა ინაშვილი, საქართველოს პატრიოტთა ალიანსი - გაერთიანებული ოპოზიცია“ – 5.01% (3 მანდატი). შესაბამისად, გაუნაწილებელი დარჩა 17 მანდატი.

საქართველოსცენტრალურმა საარჩევნო კომისიამ გაუნაწილებელი საპარლამენტო მანდატები გაანაწილა საქართველოს ორგანული კანონის „საქართველოს საარჩევნო კოდექსის“ 125-ე მუხლით დადგენილი წესით და „დავით თარხან-მოურავი, ირმა ინაშვილი, საქართველოს პატრიოტთა ალიანსი - გაერთიანებული ოპოზიციისთვის“ ფრაქციის შესაქმნელად საკმარისი მანდატების განაწილების შემდეგ დარჩენილი გაუნაწილებელი მანდატები, გადაანაწილა მხოლოდ „ერთიან ნაციონალურ მოძრაობასა“ და „ქართული ოცნება - დემოკრატიულ საქართველოზე“. შესაბამისად, სუბიექტებმა მიიღეს შემდეგი რაოდენობის მანდატები: 1) „ქართული ოცნება“: 37 + 7= 44 მანდატი; 2) „ნაციონალური მოძრაობა“ – 20 + 7 = 27 მანდატი; 3) „პატრიოტთა ალიანსი“ – 3 + 3 = 6 მანდატი.

ცესკო-მ მანდატების განაწილებისას არ იხემძღვანელა საქართველოს კონსტიტუციის 50-ე მუხლის მე-2 პუნქტით დადგენილი წესით, რომელიც ადგენს რომ მანდატები უნდა გადანაწილდეს ყველა იმ სუბიექტზე, რომელმაც მიიღო ამომრჩევლის ხმათა 5%-ზე მეტი.

ცესკო-ს რომ მანდატები გაენაწილებინა კონსტიტუციური პრინციპის დაცვით, „დავით თარხან-მოურავი, ირმა ინაშვილი, საქართველოს პატრიოტთა ალიანსი - გაერთიანებული ოპოზიცია“, ფრაქციის შესაქმნელად საკმარისი მანდატების მიღების შემდეგ, დარჩენილი გაუნაწილებელი 14 მანდატიდან მიიღებდა დამატებით 4 მანდატს და მივიღებდით შემდეგ სურათს:

„ქართული ოცნება“: 37 (48,68%) + 5 = 42 მანდატი;

„ნაციონალური მოძრაობა“: 20 (27,11%) + 5 = 25 მანდატი;

„პატრიოტთა ალიანსი“: 3 (5,01%) + 3 (ფრაქციის შესაქმნელად საჭირო მანდატები) + 4 = 10 მანდატი

ყოველივე აღნიშნულიდან გამომდინარე, ცენტრალურმა საარჩევნო კომისიამ საპარლამენტო მანდატები გაანაწილა კონსტიტუციით დადგენილი წესის დარღვევით, რის გამოც, ჩვენი - მოსარჩელეების ნაცვლად საპარლამენტო მანდატები მიიღეს „ქართული ოცნების“ საარჩევნო სიის 43-ე და 44-ე ნომრებმა (ენძელა მაჭავარიანმა და გია ბენაშვილმა) და „ნაციონალური მოძრაობის“ სიის 26-ე და 27-ე ნომრებმა (აზერ სულეიმანოვმა და გიორგი წერეთელმა)